Tiurleik

Vi ber om tips om både kjende og mogleg nye tiurleiker i kommunen. Nokre leiker er registrerte frå før og skal retakserast, medan andre kan vere kjende av enkeltpersonar utan at dei er dokumenterte.

For å finne ut om ein leik er aktiv må området oppsøkjast no utover våren.

Kunnskap om aktive tiurleiker er viktig i planlegginga av mellom anna skogsdrift. Registrerte og aktive leiker blir tekne omsyn til ved eventuell hogst.

Bever

Kommunen skal òg taksere beverbestanden i Sel og Vågå kommunar denne sesongen, og ønskjer difor innspel på kjende område eller koloniar av bever.

Målet er å få betre oversikt over beveren sitt utbreiingsmønster og utarbeide kommunale mål og retningsliner for beverforvaltning – inkludert å kunne leggje til rette for eventuell beverjakt.