Tips og råd om å halde på varme og lys

Ha varme og lys lett tilgjengeleg

• Sørg for at du har varme klede, pledd, dyner eller soveposer i bustaden.
• Ha eit lite lager med stearinlys, telys, fyrstikker eller lighter.
• Ha ei lommelykt eller hovudlykt med ekstra batteri tilgjengeleg.

Reduser varmetapet

• Lukk dører og heng opp tepper mellom rom for å halde på varmen.
• Heng tepper eller gardiner framfor vindauge for å redusere trekk.

Avtal overnatting ved behov

• Dersom du ikkje kan halde bustaden varm ved langvarig straumbrot, avtal med naboar, familie eller vener om å kunne overnatte hos dei.
• Har du alternativ oppvarming til straum, kan du vurdere å tilby folk utan varme å kome til deg.

Sikker bruk av open eld og alternativ oppvarming

• Bruk stearinlys og andre lyskjelder med forsiktigheit – aukande bruk av open eld gir større brannfare. Sjekk at du har godkjent slokkeutstyr og fungerande røykvarslarar.
• Dersom du brukar eldstad, sørg for at denne er i god stand og har godkjent fyring. Sørg for å ha nok ved tilgjengeleg. 
• Gass- eller parafinovn for innandørs bruk kan vere eit alternativ.
• Naudstrøm som aggregat eller batteri med 230 volts uttak kan òg vurderast, men du må kjenne reglar og råd for sikker bruk, og sjekke oppbevaring av drivstoff for å unngå farlege situasjonar som kullosforgiftning.

Daniel Fatnes / DSB