Overgangen fra barnehage til skole

Plan for overgang frå barnehage til skole i Sel kommune 2009 - 2013

Plan for overgang frå barnehage til skole i Sel kommune 2009 – 2012 er utarbeidd i nært samarbeid mellom skolane og barnehagane i kommunen. Med bakgrunn i sak om tilsyn i barnehage og skole vart det sett ned ei arbeidsgruppe til å utarbeide ein felles plan for kommunen. Planen har vore ute til høyring der m.a. samarbeidsutval har gjeve uttale. Planen er utarbeidd for å sikre eit felles opplegg i kommunen og kvalitetssikre overgangen. Den erstattar tidlegare ordningar. Planen forpliktar involverte partar i eit samarbeid til beste for barnet. Kommunen har overordna ansvar for at planen blir følgt opp gjennom årlege tilsyn, og har ansvar for å legge til rette for samarbeid.
 

Sentrale dokument som er grunnlag for denne planen er m.a.:

• FNs barnekonvensjon - ”Til barnets beste: Handlingar som vedgår barn som vert sett i verk av styresmakter og organisasjonar, skal først og fremst ta omsyn til kva som gagnar barnet best".
   
• Rammeplan for barnehagar (2006) - Barnehagen skal, i samarbeid med skolen, legge til rette for overgang frå barnehage til 1. klasse og evt. skolefritidsordning. Dette arbeidet skal skje i nært samarbeid med heimen. Planane for overgang skal vidare være nedfelt i årsplanen til barnehagen.
   
• Kunnskapsløftet (2006) - Læringsplakaten. - ”Godt og systematisk samarbeid mellom barnehage og barnetrinn skal bidra til å lette overgangen”.
   
• ”Veilederen: Fra eldst til yngst. Samarbeid og sammenheng mellom barnehage og skole”.
   
• St.meld. nr. 41 Kvalitet i barnehagen (2008-2009).
   
• Regional veileder for overgang – er under arbeid.
  
   

Mål:

1. Kvalitetssikre arbeidet i overgang barnehage – skole.
2. Setje i system dei mange gode overgangsordningane som allereie er i bruk.
3. Barnet skal være i fokus, og planen skal ivareta det enkelte barnet sine interesser saman med føresette, i tett samarbeid med barnehagane og skolane i kommunen.
4. Samarbeid og oppfølging av planen er tufta på gjensidig respekt for ulike arbeidsmetodar og kulturar i barnehage og skole.
   
    

Otta 31.08.2009
Kari Hølmo Holen
Kommunalsjef

Handlingsplan for overgang frå barnehage til skole

 
Her kan du laste ned PDF-versjon av Plan for overgang frå barnehage til skole i Sel kommune 2009 -2013.