Landbruksfond i Sel 2011

Landbruksfond i Sel

Det er avsett kr. 150 000,- til ei kommunal tilskottsordning for landbruket i Sel for 2011.



1. FØREMÅL MED TILSKOTSORDNINGA:

1. Styrke og oppretthalde eksisterande produksjonar i jordbruket

2. Motivere ungdom til å satse på eit yrke i landbruket

3. Sikre busettinga i Sel

4. Auke aktiviteten i skogbruket



2. VIRKEOMRÅDE:

Retningslinene gjelder for tiltak på landbrukseigedommar i Sel/Vågå kommune.



3. TILSKOT KAN GJEVAST TIL:

3.1 Jordbrukstiltak: Vassvegar/damanlegg/vatningsanlegg, nydyrking og grøfting .

3.2 Skogbrukstiltak: Ungskogpleie, nyanlegg/ombygging av skogsvegar, drift i bratt terreng.



4. GENERELLE REGLAR FOR STØTTE:

4.1 Det blir gjeve tilskott til nyinvestering, ikkje til årlege driftskostnader.

4.2 Tiltaket skal ikkje vera påbegynt før søknadsåret.

4.3 Søknader blir behandla fortløpande.

4.4 Fellestiltak vil bli prioritert om tilskotsramma blir for lita.

4.5 Dersom eit tiltak har fått løyvd statleg støtte skal ikkje det kommunale og statlege tilskotet overstige 50%. Det er unntak for ungskogpleie, der det kommunale og statlege tilskottet kan utgjere inntil 75%.

4.6 Det skal liggja ved plan, kostnadsoverslag og finansieringsplan til søknaden.

4.7 Minste tilskottsgrunnlag for tiltaka: nyanlegg veger og vassvegar/damanlegg/vatningsanlegg er kr. 10.000

4.8 Tilskottet blir utbetalt etterskottsvis etter tilvising frå landbrukskontoret. Tilskottet blir utbetalt etter rekneskap.



5. REGLAR FOR DEI ULIKE TILTAKA:

5.1 Nydyrking:

a. Det kan gjevast tilskott til fulldyrking.

b. Det kan gjevast tilsegn om inntil 30 % av kostnadsoverslaget, og maksimalt kr. 2500

pr. daa, maksimalt kr. 30 000,- pr. søknad. Minsteareal 1 da.

c. Tilskott kan ikkje løyvast før plan for nydyrking er godkjent av kommunen, jf. forskrift

om nydyrking av 2.mai 1997



5.2 Vassvegar/damanlegg/vatningsanlegg:

a. Det kan gjevast tilskott til fast vatningsanlegg. (restaurering av gamle vassveigar,

damanlegg og nytt vatningsanlegg).

b. Det blir ikkje gjeve tilskott til vatningsvogn og anna spreieutstyr.

c. Det skal takast omsyn til kulturlandskap og kulturminne.

d. Fellestiltak for omlegging til naturleg trykk vil bli prioritert.

e. Det kan gjevast tilsegn om inntil 30% av kostnadsoverslaget, maksimalt kr. 30 000,- pr. søknad.



5.3 Grøfting

a. Det kan gjevast tilskott til grøfting.

b. Det kan gjevast tilsegn om inntil 30 % av kostnadsoverslaget, og maksimalt kr. 2500

pr. daa, maksimalt kr. 30 000,- pr. søknad. Minsteareal 1 da.

c. Det skal ligge føre ein plan og kostnadsoverslag for tiltaket som er godkjent av landbrukskontoret


5.4 Ungskogpleie:

a. Tilskott kan gjevast til nødvendig etterarbeid og ungskogpleie (manuell og

motormanuell rydding av gras, lauvkratt og avstandsregulering i etablerte

foryngingar).

b. Kommunalt tilskott til etterarbeid kan gjevast med inntil 30% av kostnaden. Tilskott

blir ikkje gjeve til kostnader som er høgre enn det som er normalt ved ei rasjonell

arbeidsordning. Det maksimale kostnadstaket som kan gje grunnlag for tilskott følgjer det til kvar tid gjeldande taket for statstilskott.

c. Tilskottet blir gjeve på vilkår av at fleirbruksomsyn som er nedfelt i skogbrukslova med forskrifter, blir fylgd.



Tilskot til ungskogpleie utbetalast etterskotsvis. Det setjast av kr. 40 000 til dette føremålet.



5.5 Skogsvegar:

a. Tilskottet gjeld både nybygging og ombygging av eksisterande veg. Ved ombygging

er det krav at vegstandarden skal hevast minst ei vegklasse. Vegen skal vera planlagtav fagfolk og godkjent i alle instansar før tilskott kan løyvast.

b. Vegen skal byggjast i samsvar med ”Normaler for landbruksveier med byggebeskrivelse” utgjeve av Landbruksdepartementet i 1997.

c. Det kan gjevast tilsegn om inntil 30 % av kostnadsoverslaget, maksimalt kr. 30 000,- pr. søknad. Det er eit vilkår at interessentane held vegen vedlike.



5.6 Drift i bratt terreng:

a. Tilskot kan gjevast til slepebane-/taubanedrifter. Kriteria for tilskot følgjer det statlege regelverket.

b. Felta skal godkjennast på førehand av kommunen. Det er eit vilkår at det er eit fornuftig driftsopplegg som tek omsyn til framtidig drift av heile området.

c. Tilskott blir gjeve med inntil kr 40,- pr kbm. Kommunen vil kontrollere felta før utbetaling av tilskot.



Dersom avsett sum til landbruksføremål aukast, bør regelverket med tilskottssatsar og avgrensingar takast opp til ny behandling.

Ved fellesanlegg med store kostnadar og mange deltakarar bør det kunne reisast politisk sak for å vurdere om maksimal støttesats på kr. 30 000,- kan overskridast.

Ordninga takast opp til evaluering og vurdering i starten på eit nytt budsjettår i samråd med landbruksnæringa.